بحبك يا بحر

بخاف من عواصفك
ورعدك وقصفك
واخاف من همومك
وصمتك وزومك
واخاف لما ترخى عباية غيومك
وشمسك بتركع وتغرق ف يومك
واخاف لو نوارسك
وموجها اللى حارسك
يطول طرف توبى وكعبى يلامسك
واخاف القى همسك..ف صوت المحارة
ومغنى السهارى
وتنهيدة فايرة ف صدور الحيارى
بتندهلى. اجيلك
واخاف ابتديك.اشتهيك.انتشيلك
واخاف ابقى شيلك
تمزع ضلوعى وماوصل لبر
بخافك.واحبك.بخافك يابحر
رذاذك ديسمبر.وريحك خريف
بحبك رومانسى
واحبك عنيف
بتلعب بشعرى..وتلهب مشاعرى
وامد دراعاتى..تمد دراعاتك
اعيشلك حياتى..تعيشنى ف حياتك
وتبعت موجاتك تبل الرصيف
بحبك شيطانى.واحبك عفيف
وبعشق صخورك..ومدى يزورك
ويحضن رمالك ويدخل فحورك
ويعكس بقوة اتجاه دواماتك
بحبك ف اهدى واعنف حالاتك
بحبك.واحبك.واحبك يا بحر



لـو الـــكلام له مَعنى * خارج وفيه احساس
ها يلاقى مين يسمعه * ويحس بيه الَـناس
the free man
the_free_man


عدد المساهمات : 32
سجّل في : 05 ماي 2008
الاوسمة :