سكت الكلام سكت السكوت

سكت الكلام سكت السكوت
و الخوف مخيم عالحيطان و عالبيوت
و الكل عارف بس مش عايز يقول
خايف يقول الحق فى زمن الضلال
يلقى النهار يصبح ظلام
يا قلبى يا عاشق الحياة عاشق الضحى و الفجر يملى الدنيا نور
يطرح زهور
يبدر محبة ربنا فى كل القلوب
يزرع تقاوى الحب فى كل الدروب
يا قلبى يا عاشق الحق قول الحق
ماتخفش و ماتهبش الصعاب
مهما لاقيت من ظلم أو نبحة كلاب
يمكن للصوت صدى
يمكن يأثر فى القريب أو عالمدى
يمكن شعبنا
يمكن يخضر أرضنا
يمكن نثور على ظلمنا
و على جهلنا
و نحطم المعبد على راس الأكابر مننا
راس اللى مصوا دمنا
و نقول هناك و نقول هنا
يا شعبنا يا أهلنا
يا شعب مكتوف الايدين
يا شعب معصوب العينين
كسر قيود السجن و السجان
و اهزم جيوش البغى و الطغيان
و ارفع جبينك للسما
ماتكونش ابدا يوم جبان
فوق للحقيقة المرة قبل ما يفوت الاوان
ده الخوف ملجم خطوتك
و الأه تدبل ضحكتك
يا مصرى قوم
شق الغيوم
و ارمى الهموم
و كفاية نوم
وحد الهك
و يا نور الفجر وحد فى السما