المصقعه الجديده

--------------------------------------------------------------------------------

انهارده كمان هانعمل اكله لزيزه
بس شرط الاكله تخليكى صاحيه معايا ماشى
هاتى اولا البتنجان بس يكون بتنجان رومى ماشى
اقليه بقا حضرتك فى الزيت
وبعد كدا اركنيه على جمب كدا فى المطبخ ماشى
وتجيبى الطماطم وطبعا هاتعصريها ماشى
عصرتيها اوعى تحطيها تتسبك دلوقتى عارفه ليه
لانك هاتقشرى حتة ثوم كدا ماشى وتقدحيها فى الزيت قبل الطماطم ماشى
وبعد كدا ارمى البتاعه اللى اسمها الطماطم فى التوم
وسبيها تتسبك براحتها وبعدين هاتى البتنجان المقلى طبعا ماشى
وحطيه عليها لمدة خمس دقائق ماشى
وطلعيها بقا وشمى الريحه وادعيلى
ماتقلقيش هاتكلى كمان مش هاتشمى بس
وبالف هنا وشفا يارب
ودى كانت نهاية المصقعه الجديده
اظن لازم نقول الملحوظه قصى ذوافرك قبل الاكل عشان اكيد هاتكلى صوابعك والذوافر ساااااااااااااااااااااااااامه
يلا بالف هنا ياست الكل