dnys

اهلا ومرحبازائر

بحـث
 
 

نتائج البحث
 


Rechercher بحث متقدم

المواضيع الأخيرة
» أحدث أنواع السيارات والليموزين والخدمات السياحية
الثلاثاء مايو 01, 2012 9:00 am من طرف كار ليموزين

» تقدم اقووووووووووى العروووووووض واحدث الموديلات ( تورست كار)
الثلاثاء مايو 01, 2012 8:54 am من طرف كار ليموزين

» ماذا بعد الفراق
الإثنين أغسطس 16, 2010 12:42 am من طرف the_free_man

» بــــــــــــــــــــحـــــــــــــــبــــــــــــــكــــــــ يــــا دعــــــــــــــــــــاء
الإثنين أغسطس 16, 2010 12:22 am من طرف the_free_man

» هولاكو جنكيز خان
الأربعاء نوفمبر 25, 2009 6:40 am من طرف Admin

» صالون عائلي انيق بتوقيع هولندا
الأربعاء نوفمبر 25, 2009 6:34 am من طرف Admin

» الأحتفال السنوي لمجله اوتومبيل للسيارات للعام الخامس على التوالي
الأربعاء نوفمبر 25, 2009 6:32 am من طرف Admin

» اسمع اجمد النكت
الأربعاء نوفمبر 25, 2009 6:22 am من طرف Admin

» قصص الأوتوبيسات
الأربعاء نوفمبر 25, 2009 6:12 am من طرف Admin


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

يوميات طهقان وطهقانه

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1حصرى يوميات طهقان وطهقانه في الأحد يوليو 06, 2008 2:04 am

--------------------------------------------------------------------------------

اولا :السلا م عليكم ورحمة الله وبركا ته
انا بقا جايبه انهار ده حاجه واثقه انها هتعجب كم
لانى حبيته ا جدا
هى عبارة عن يوميا ت او خناقا ت او ممكن نقول مسلسل
ليه بطلين احلى من بعض

طهقان وطهقا نة
اتنين من اجمل الشخص يات ال حسيته ا
طهقان دا زوج مصرى معاصر
وطهقا نه طبعا نصه الحلو
متزوج ين تقريب ا من حوالى 13 سنه وعنده م 4 اطفال
ربنا يسعده م ويوفق هم يارب

المهم الثنا ئى الرائ ع ده قرر انه يكتب مدونه وسماه ا طهقان وطهقا نه
ولحسن حظى وحظهم طبعا:rigol e:
انى عثرت عليها وقرات ها
وبعد ما اخدت اذن استاذ ى المبج ل طهقان قررت انى اجيبه ا لاخوا تى فى الوسي ه
وان شاء الله تعجبك م زى ما عجبتن ى
دى عبارة عن مواقف ساخرة بتحصل لكتير من الازو اج
وهما عرضوه ا بمنته ى الجما ل

بيتهي ئلى انا رغيت كتير
ندخل فى صلب الموض وع بقا
انا ان شاء الله هنزله ا فى حلقات
2 لطهقا ن و2 لطهقا نه
او زى ما تحبوا
واتمن ى اسمع آراكم وتقول وا حبيتو ا مين اكتر
طهقان ولا طهقان ه ولا انا:000200 BF:

اه قبل ما انسى
الاست اذ طهقان سجل معانا هنا فى المنت دى
واتمن ى يمتعن ا ببعض كتابا ته الساخ رة
شكرا يا استاذ طهقان
وشكرا ليكم يا اخوان ى على سعة الصدر
ولو انى عارفه انكم زهقتم منى خلاص بس قدركم بقا
احبكم فى الله:icon1 :

معاينة صفحة البيانات الشخصي للعضو

2حصرى رد: يوميات طهقان وطهقانه في الأحد يوليو 06, 2008 2:06 am


نبدا بطهقانه
واسيبكم معاها انا بقا

أنا و طهقان في نزهة برية




طهقان ...يا طهقان
نعم يا ماما- بقرف
الحق ابنك ضيع الفلاش ميموري اللي عليه البروجكت بتاعه
و اية يعني
ايه؟ اية يعني ازاي امسكه كلمه و زعقله علشان يعرف قيمة الحاجة اللي بنجيبهاله و يحافظ على النعمة
هو يعني انا لما ازعقله و لا حتى اضربه الفلاش ميموري حيرجع؟
لا بس لازم تعلمه يحافظ على حاجته
علميه انتي
----
طهقان الحق
ايه تاني
البنت بنتك بتشتم اخوها و تقوله يو ار تشكن و هو عمال يرد عليها و لا اتنين بيتخنقوا في الشارع
و انا اعمل لهم اية؟
شد عليهم و هددهم انك حتمنع المصروف لو سمعت اي باد ورد تاني
طيب ما تقولي انت البوقين دول و تسيبيني ارتاح
الاولاد لازم يخافوا منك و يعملوا لك حساب علشان لما انا اقولهم حقول لبابا يخافوا
انا مش بحب اسلوب الخوف ده انا عايزهم يحبوني و هم يسمعوا كلامي
----
طهقان يا طهقان
يا نعم
ابنك مرجعش مع اخته في الباص و بتقول انه نزل مع واحد صاحبة علشان يجيب منه سيديهات بلاياستيشن هو استاذن منك؟؟
بعدم اهتمام- لأ
طيب لازم تشد ودانه على العاملة دي
ليه؟ -باستظراف-علشان تكبر؟
علشان يبطل يتصرف من دماغه و يعرض نفسه للخطر
هو مبقاش صغير ده في جريد فور دلوقتي
يعني نسيبه يعمل اللي عايزه من غير توجيه
هو استبدال السيديهات بقى جرم دولي و لا اية-كبري بقى
-------
و هكذا يا اعزائي دايما فارسني و كابسني و موقف المية في زوري و مش عايز ياخد اي موقف شديد مع الاولاد و شايف ان منهجي الجدي في تربيتهم منهج سجون و اصلاحيات و ان الاولاد لازم يحسوا بالحنان و الحب و بلاش عقاب و تعنيف
طيب انا لما بعنفهم على اي غلط بيعملوه بعمل كده ليه؟
علشان بحبهم و عايزاهم يبقوا قد المسؤولية و يعملوا حساب لبكرة و يطلع عضمهم ناشف مش مدلعين و خايبين و ميعرفوش قيمة النعمة
و طبعا قدام سلبيته معاهم بلاقي نفسي مضطرة اني اكون انا اللي بشد عليهم علشان ميخبوش
تعملوا اية لو كنتم مكاني
طهقانه

معاينة صفحة البيانات الشخصي للعضو

3حصرى رد: يوميات طهقان وطهقانه في الأحد يوليو 06, 2008 2:07 am

--------------------------------------------------------------------------------

انهارده بقا يا جماعه هنشوف طهقان
وياريت اسمع الحكم اما له او عليه؟


على الرغم من الهوة العاطفية السحيقة اللي بيننا... انما ..بفعل فاعل وقدر كبير من التوفيق ، ربنا رزقنا اربعة عيال ، واعترف ان انجاب العيال مش محتاج عاطفة ...اكثر ما هو محتاج شوية توفيق... هو خلفة العيال أيه غير شوية توفيق ، على شوية حاجات فوق بعضيها ..

المهم... المفروض اننا نتفق على اسلوب واحد للتربية .... علشان ما نفقدش مصداقيتنا قدام العيال... مش انا انهج نهج ، والهانم تنهج نهج أخر ...!

لازم يكون في تنسيق ، بس هايجي منين التنسيق في تربية العيال..إذ ا ماكنش فيه تنسيق في العاطفة بيننا....
طهقانة تطبق كلمة سيدنا عمر ، ودايما معلقة السوط على جدران البيت ... وصدقتها يوم ما اشتريته من المعرض التايلاندي ... وقالت لي ..واو... تراديشينال ... هايبقا منظره روعة في غرفة الجلوس..
وساعتها ما توقعتش انها كانت شرياه وعلقته في البيت بهدف التخويف... وماحدش يستظرف..وي قولي..طيب
وانت مالك... ده للعيال. ..أقوله ....لا... ما انا كنت فاكر كده في الاول....!
يعني لو عملت حاجة ماعجبتهاش. ... بنظرة ذكية تنم عن كثيرمن التهديد..ت قوم باصة ناحية الحيطة اللي متعلق عليها السوط ...!
وطبعا الواحد لازم يشتري كرامته ، ويوافقها على رأيها

نرجع لموضوع العيال... هي متبعه اسلوب الفلكه ، وتعريف الفلكه للأجيال الجديدة ..والاجيال المقبلة على الزواج ..هي عصا غليظة مربوط في طرفيها حبل.. يتم شده على رجل الضحية ، وبالسوط ينضرب على رجله

عندها ان العيال لو دلعناهم ... هيبوظوا... ولازم نشد عليهم .. لدرجة انها عملت ارهاب فكري، للعيال...
سجاجيد البيت بتتغير كل شهر... نظر لان الجميع في البيت اصابهم التبول الا إرادي ..بمجرد ما طهقانة تبص لهم!!!! او تزجر لواحد فينا....عف وا....فيهم

انا مع اسلوب الحوار... لازم نناقش العيال...د ه جيلهم غير جيلنا، وتفكيرهم غير تفكيرنا ،لازم نعطيهم قدر من الحرية...

وطبعا... رأيئ عمره ما عجبها، وبتقول عليا..إني ضعيف الشخصية معاهم....( معاهم بس...! يا حسرة عليا) ، طب بالذمة دي تبقا عيشة !!!؟
العيال أصبحت زي ما يكونوا في معسكر جيش مستمر، علقت لكل واحد فيهم جدول فوق السرير بالخطوات المفروض يعملها النهادرة ، والحمد لله انها استثنتي من هذا الجدول،
العيال محتاجة الحنية والحب ، وهي عايزة النظام والنظافة وغسل السنان وبس ..
جدول العقوبات عندها اكبر من جدول المكافأت ..!
مع طهقانة أكتشفت اروع طريقة لعمل الرجيم.... ..بدون تنقيص في الاكل ولا دايت ولا غيره .. ونصيحتي .. لكل سمين ...ما فيش غير الجواز.... احسن طريقة تسم بيها البدن


إمضاء
طهقااااان

معاينة صفحة البيانات الشخصي للعضو

4حصرى رد: يوميات طهقان وطهقانه في الأحد يوليو 06, 2008 2:09 am

انتظرونا قريبا مع يوميات طهقان وطقانه

معاينة صفحة البيانات الشخصي للعضو

5حصرى رد: يوميات طهقان وطهقانه في الأحد يوليو 06, 2008 9:06 am

تسلم ايديييييييييكي يا مونيلا ...
عنجد القصو كتييييييييييييييييييييير عسولة ...
و احلى شي اسمائهم...طهقان....و....طهقانة.....
هههههههههههههههههههههههههههههههه...
تااااااااااااااااانكس كتيييييييييييييير....

معاينة صفحة البيانات الشخصي للعضو http://www.google.com

6حصرى رد: يوميات طهقان وطهقانه في الأحد يوليو 06, 2008 12:37 pm

شكرا على مرورك يا كيوت يا رافعه من معنوياتى
انتى الوحيده الى معايااا اتمنى الكل يدخل يتابع يوميات طهقان وطهقانه
شكرا يا احلى كيوت

معاينة صفحة البيانات الشخصي للعضو

7حصرى رد: يوميات طهقان وطهقانه في الأحد يوليو 06, 2008 3:23 pm

و لااااااااااااااااااااااااااااااااااااو لا شكر على واجب....
و لا يهمك انا متابعة يوميات طهقان و طهقانة ....
كلهاااااااااااااااااااا..
و تااااااااااااااااااااااانكس...
تسلم ايديكي يا احلى مونيلا ...

معاينة صفحة البيانات الشخصي للعضو http://www.google.com

8حصرى رد: يوميات طهقان وطهقانه في الأربعاء يوليو 09, 2008 5:00 am

اما نشوف هتقول ايه؟:273_2 :
طهقان جوزي انسان حساس جدا-حساس يعني رقيق قدام الناس مش عنده حساسية من البيض و السمك- لكن مش بيبين احاسيسه-لا يسمع لا يرى لا يتكلم- بيلاحظ كل حاجة جميلة-في الستات التانية مش فيه انا-و بيقدر كل مميز-في فتيات الفيديو كلب بس





من فترة جالنا ضيوف من دولة عربية شكيكة و اخدناهم نزهة في خان الخليلي و الحسين و هناك شفت شوية بدل رقص انما شفتشي خالص الضيفة اشترت يجي ست بدل رقص ليها و لاخواتها


انا قلتله: ايةرايك يا طهقان في البدلة دي؟


طهقان:فالجر قوي


أنا: هاهاها ما هي لازم تبقى فلجر مش بدلة رقص


طهقان: لا مش حلوة


أنا: طيب ايه رايك في دي؟


طهقان: اممم بكام دي


أنا: بستميت جنية


طهقان: ينهار اسود دي غالية قوي


أنا: نفاصل فيها و ناخدها بتلتمية


طهقان: ليه انت اتجننتي تلبسي بدلة رقص!!اعقلي يا ماما


أنا: اتلهيت على عيني و سكت


و لما عزمناهم على العشا في مركب سياحية في النيل كان في رقاصة حريفة فلجرة و هو كان قاعد منشكح قوي و وشه محمر لا انا عارفة من الكسوف و لا من الهبو اللي طالع على جتته و كله كوم و لما الرقاصة قربت منه كوم قعد يسقف و لسان حاله بيقول
مش كنت اتجوزت رقاصة
بس يا طهقان يا حبيبي هز الوسط مش كفاية و ميفتحش بيت انا بحبك و مش بس كده ده انا
حرقصك على الشناكل يا حبي


و الغريبة اني اكتشفت ان طهقان نفسه ارقصله و البس بدلة رقص في البوست بتاعه


طيب يا طهقان يا حبيبي اشتري البدلة و لا مشتريهاش و لو رقصتلك من غير الزي الرسمي للرقص تفتكر حتقولي برضه


اعقلي يا ماما؟؟








طهقان حبيبي بيقول عليه تلاجة


يعني انت اللي بابور يا روحي؟


الحب ده مشاعر قبل ما يكون جسد و مش معنى ان صاحبك جابلك برطمان روح العفريت من اندونسيا و ضربتلك منه معلقتين حسسوك انك شمشون الجبار يبقى الجمل طلع النخلة


طيب ادي الجمل و ادي النخلة


بس بشرط بدون تدخل دوائي و لا عشبي و لا دهان و سفوف و لا اسبراي و لا تدخل جراحي





يا زوجي الحبيب انا راضية بيك بامكانياتك المتواضعة الحالية بس عايزاك انت كمان ترضى بنفسك و امكانياتك و ترضى بحبي ليك


الصمت مش دايما بيبقى برود يمكن ساعات بيكون تقدير لظروف شغلك و مزاجك و النوم بدري علشان تصحى بدري





يمكن المشكلة اننا كنا ساكتين السنين اللي فاتت و جه الوقت اللي نتكلم فيه عن مشاكلنا و ناقشها


يمكن متكونش مشاكلنا لوحدنا و يكون ناس كتير مشتركة معانا في نفس الهموم





طهقان كل عيد حب و انا بحبك و برضه طهقانة منك


ها؟؟ حتجيبلي اية بقى في عيد الحب؟؟؟

معاينة صفحة البيانات الشخصي للعضو

9حصرى رد: يوميات طهقان وطهقانه في الأربعاء يوليو 09, 2008 5:02 am

يا ترى هيجيبلها ايه المسكين ههههههههههههه هنشوف فى الحلقه القادمه انتظرونا مع طهقان وطهقانه

معاينة صفحة البيانات الشخصي للعضو

10حصرى رد: يوميات طهقان وطهقانه في الأربعاء يوليو 09, 2008 7:16 am

هههههههههههههههههههههههههههه.....
تسلم ايديكي يا مونيلا ...
الظاهر حيجبلها بدلة رقص...
هههههههههههههههههههههه..
يلا منشوف يالحلقة القادمة ...
هههههههههههههههه..
تسلم ايديكي يا مونيلا ...

معاينة صفحة البيانات الشخصي للعضو http://www.google.com

11حصرى رد: يوميات طهقان وطهقانه في الأربعاء يوليو 09, 2008 4:02 pm

شكراااااااااا على الموضوع مونيلا Laughing

معاينة صفحة البيانات الشخصي للعضو http://www.elsaid.com

12حصرى رد: يوميات طهقان وطهقانه في الأربعاء يوليو 09, 2008 11:10 pm

ميرسى يا مونيلا على مواضيعك فعلا والله لازم شكر واقولك على حاجه انا فى مفاجاه جايه قريب قوى للمنتدى
زى مرفعت امبارح كابتن هيما لسه جاى مفاجات اكتر

معاينة صفحة البيانات الشخصي للعضو http://www.dvd4arab.com

13حصرى رد: يوميات طهقان وطهقانه في الجمعة يوليو 11, 2008 5:21 am

يا حبيبتى يا طهقانه ربنا يكون فى عونك
تعالوا نشوف بتقول ايه؟
وعملت ايه؟
انا طهقانه من جوزى وعمايله وعلشان تعرفوا
ححكيلكم عن عاملة من عمايله اللي تفرس

كنا قاعدين في الفود كورت في مول كبير انا و هو على ترابيزة واحدة و الاولاد راحو يلعبوا و مستنيين واحد صاحبه و مراته عازمينهم على العشا
و احنا قاعدين مستنيينهم قام يشتري سوفت درينك قبل ما ييجوا و ساب موبيله اخذت الموبيل و دعبست فيه لقيته كاتب اسمه في البلوتوث ((الجامد))و نيلة ايه ي يا ابن الايه جامد ايه يجوا يشوفوا
رجعت الموبيل زي ما كان و لا كاني شفت حاجة و شوية و رجع و شوية كمان و صاحبه و مراته وصلوا و انقسمنا فريقين الستات على تيبل و الرجاله على تيبل
كويس
و انا قاعدة معاها فتحت البلوتوث بتاع موبيلي و كتبت الاسم
(( احب الجامد))
و رحت باعتاله مسج دلع لقيته استقبلها و راقبته لقيت عنيه لمعت و بانت عليه السعادة و الرغبة في البلبطة في بحر المغامرة
طيب لما نشوف حتوصل لحد فين
راح باعتلي مسج فيها رقم موبيله و سميل فيس
اوبا بقى كده طيب استنى عليا اما لعبتك على الشناكل
طلبت من صاحبتنا نقوم نتمشى و نلف على محلات الاكسسوارا ت و انتهزت الفرصة و دخلت محل موبيل و اشتريت خط هوليداي من اللي بيشتغل 45 يوم و يفصل و رحت مزوغة من صاحبتنا و هي بتسأل على اسعار حاجات في المحل و طلبته و غيرت صوتي و كلمته بدلع و اخنفيت
اصل انا لما اتدلع اخنف الله يمسيكي بالخير يا سكيننة
انا : النووووو
هوSad بدهوله و هطل ) ا لل للو ايوة
انا: الجامد؟
هو: اهلا اهلا
انا: اسيك؟
هو : كويس ازيك انتي؟
انا: كويسه انت قاعد فين ؟
هو: ا ا انا في الفوت كورت قدام محل ...... و ..و
انا: ده انت قاعد قريب مني بقى
هو: ا ه .. بس انا قاعد مع واحد صاحبي
انا : لابس ايه يا جامد
هو: لابس قميص ...و...
انا: اه شايفاك ده انت هاندسم خالص مالص
هو : (بضحكة بلهاء) هاهاها متشكر يا قمر
عرف منين اني قمر الكذاب استنى عليا
انا: طيب اشوفك تاني ازاي؟
هو: اتصلي بيا بس قبل 4 العصر بس استني انت قاعدة فين و لابسة اية و ..و..
انا:اشمعنى بعد 4 انت متجوز؟
هو: لا لا لا...بس علشان نبقى براحتنا
بقى لا يانهار مش فايت امال 11 سنة جواز دول اية؟ و العيال اللي ملقحة دول مين؟
انا: طيب يلا باي بقى
هو: استني عايز اشوفك انت قاعدة فين؟ و..و..
انا : قفلت الخط و بقيت عايزة اشتري ايد هون و انزل بيها على نافوخه بس مسكت نفسي و قلت و النبي لشخلعه و اهشكه و افرجه

رجعت الشريحة بتاعتي في الموبيل و اتصلت بصاحبتنا و رجعنا قعدنا على الترابيزة معاهم و كبست على نفسه لحد ما روحنا و هو طول القاعدة عينه زايغة و عمال يبص على كل واحدة حولينا فاكرها هي الزبونة اللي اتصلت و انا قاعدة جانبه و لا حاسس بيا

و احنا مروحين لقيته منشكح و منهرش و عمال يصفر و يطبل على الدريكسيون اكن فرح خالته
عاملت روحي مش مركزة و قعدت اتكلم مع العيال في اي كلام

تاني يوم.. راح الشغل و على الساعة 11 اتصلت بيه من الشريحة اياها
انا: النوووو
هو:اهلا يا جميل
انا: وحشتني
هو: انتي اكتر كده برضه متخلنيش اشوفك
انا : استنى بس مش نتعرف الاول و بعدين نتقابل
هو:طيب حشوفك امتى
يا نهارك مش فايت و كمان عايز تقابلها مع سبق الاصرار و الترصد
انا: انت عندك كام سنة؟
هو:30 سنة و كام شهر
يا ابن الكذابة مواليد 60 و لسة 30 سنة ليه كنت واخد عشر سنين اجازة رضاعة طفل
انا: ياه انت كبير عليا انا 25
هو: و ماله هو في احلى من كده
انا: بس انا شايفة شعر ابيض في راسك امبارح؟
هو: ها ها ها ها لا ده من الخضة
انا:هيهيهي هيهي (بدلع بس من جوه بابور مولع)
هو: طيب انت بتشتغلي فين؟
انا: حسب ساعات و ساعات
هو: طيب...
قاطعته
انا باي بقى اكلمك بكرة في نفس الميعاد
و قفلت الخط و انا مولعة و فاضلي لتر بنزين و انفجر
و فضلت كده اتصل اتدلع عليه و مديلهوش اي معلومات عني خمس ايام لحد يوم الخميس و طبعا سمعني كلام عجب و كذب يودي كلية الطب و قالي نكت عمره ما حكهالي و هراني مسجات معاكسة و ادالت و غرام و اخيرا فاض بيا و قلت لازم اكشفه قدام نفسه
اتصلت
انا: النووو
هو: اهلا يا حبي
حبي؟!! و انا كل ما اتصل بيه و انا مراته يقولي نعم يا ماما و لو حد ساله مين يقولة ----البيت-----
انا: فاضي بكرة الصبح عندي تدريب في الناتي و عايسة اشوفك
هو: طبعا الساعة كام
انا : 12 كويس؟
هو : اوك يا قمر
انا: اوك سلام
هو : استني بس حعرفك ازاي؟
انا: زي ما قلتلك قبل ده انا شبه نيكول سابا بس للصراحة عنيا مش زارقة عنيا خضرا و حكون لابسة شورت تنس و بادي بينك
هو: اتفقنا يا قمر( و طبعا انا حسيت بالريالة بتنزل على سماعة التليفون و هو بيقول العبارة الاخيرة دي)
استنى اما نشفت ريقك

و لما روح سبع البرومبة قلتله عايزين نفسح الاولاد بكرة يا بيسو
قالي لا بكرة مش فاضي عندي مشوار واحد صاحبنا عنده المرارة و حيعمل عملية و لازم اروح معاه علشان نعمل التحاليل اللي قبل العملية و..و...و.. و عاملي قصة
قلتله: طيب اروح انا عند ماما بقى و لما تخلص ابقى تعالى اتغدى معانا
قالي: لا ما انا يمكن اتغدي معاه
كمان ناوي على غدا طيب حوقف اللقمة في زورك ان شاء الله

تاني يوم من الساعة 10 صحي و لبس و نزل مش عارفة ليه بدري كده بس احسن
اخدت العيال عند ماما و طلعت على النادي و لقيته مستني في المكان اللي اتفقنا عليه و عمال يتصل برقم الزبونة و انا مش مركبة الشريحة اصلا
اتصلت بيه من موبيلي و قلتله
انا:انت فين يا بابا
هو: ايوة...بزه ق... ما انا قلتلك مع صاحبي
انا: طيب انا بس حبيت اقولك اننا رحنا النادي علشان ماما عندها ضيوف
هو: اتسرع و اتلجلج و انا شايفاه حط ايده على راسه
و قالي: نادي اية؟
قلتله: النادي الفلاني(ال لي هو نفس النادي بتاع الرونديفوه )
هو: ليه كده الجو برد العيال حتعيا خديهم و روحي احسن
انا: طيب طيب

بس و عنها و ركبت شريحة الزبونة و اتصلت بيه
انا: النوووو
هو: انت فين يا جميل الساعة 2 مش تيجي بقى
انا: انت فين بالظبط
هو: جنب ملعب التنس زي ما اتفقنا
انا: طيب انا جايه اهو فايف منتس
هو: اوك(بحماس منقطع النظير)


و رحت واخده بعضي و عملت هجوم مباشر عليه من الخلف
و قلتله:بيسو ووو انت هنا
هو: اتلهى و اترزى و بقى عرقه مرقه و قالي انت ايةجابك هنا
انا : انا روحت العيال علشان البرد و قلت اجي الف التراك الله امال فين صاحبك !!!و اية التسريحة الجميلة دي ؟؟انت رحت عند الحلاق؟ و صبغت كمان! واو صغرت 5 سنين يا مضروب
هو: الفار لعب في عبه و قالي لا ..اصله... اجل ... تعالى نروح ناخد العيال و نتغدى برة
انا دوست على ريديل و انا واقفة معاه من شريحة الزبونة و استمتعت بوشة و هو بيجيب الوان و العرق بيفط من سحنته و هو حاسس ان البت جت و حتطب علينا
قالي: يلا يلا الجو برد النهاردة
قلتله: مش حترد على التليفون
قالي: مش مهم بقى
قلتله: طيب استنى حروح التويلت و ارجعلك
قالي: طيب
و انتهز الفرصة وراح متصل على رقم الزبونة
رديت بصوتي الأصلي
انا: الو
هو:بتردد.. ........ان ت فين؟
انا: ما انا لسة قايلالك رايحة الحمام
هو: اية(بصدمة)
انا: انت لسة معرفتش يا مدهول اني بشتغلك من اسبوع عاملي فالنتينو يا بيسو
طيب قبل ما تبص برة بص جوة
صدق اللي قال زي القرع تمد لبرة
سلام بقى علشان رايحة اقابل الواد بتاعي

و طلعتله لساني بمنتهى الانشراح اللي يضحك في الاخر هو اللي يضحك اكتر

و قفلت التليفون و رحت عند واحدة صاحبتي اتغديت معاها و سبته طول اليوم يضرب روحه تلاتين صرمة
و الحلقة الجاية حقولكم عملت فيه ايه بعد كده

محدش يقولي سيبيه لاني بحبه رغم حركاته القرعة اللي تطهق بس
بحبه
امضاء
طهقانة

معاينة صفحة البيانات الشخصي للعضو

14حصرى رد: يوميات طهقان وطهقانه في الجمعة يوليو 11, 2008 5:36 am

هههههههههههههههههههههههههههههههههههههههه..
شكرا يا احلى مونيلا ..
عنجد كتييييييييييييييييير حلووووووووووووووو..
تسلم ايديكي ...

معاينة صفحة البيانات الشخصي للعضو http://www.google.com

15حصرى رد: يوميات طهقان وطهقانه في الجمعة يوليو 11, 2008 4:25 pm

شكرا يا مونيللا كتييييييييييييييييييييير على طهقان و زهقان
بصراحه خففتي علينا الطهق و الزهق


حبيبك El Big BosS

معاينة صفحة البيانات الشخصي للعضو http://www.yahoo.com

16حصرى رد: يوميات طهقان وطهقانه في السبت يوليو 12, 2008 7:06 am

قلنا كتير على طهقان المرة ال فاتت
علشان ال قالته طهقانه عليه
وانهارده جاى يدافع عن نفسه
يا ترى هيقول ايه؟


نشوف




يا جماعة



انا طهقان ....جوز طهقانه ، واللي اتهمتني بامور كثيرة اهمها ان عيني زاغية ، وقبل ما تصدروا عليا حكم ....اسمعون ي
ما سألتش نفسها يوم انا ليه عنيا زاغت ، ....هي لو كانت ملت عنيا جوة كنت بصيت برضة ؟؟
لعبت عليا الدور ، ومثلت عليا انها ولهانة وهيمانة وكلام معسول..من اجل الاجهاز على الضحية،
ما قدرتش تقعد مع نفسها خمس دقائق في البيت وتتقمص هذه الشخصية وتلعبها مع في مسرح الزوجية ،
لن ادافع عن الجنس الرجولي... ولكن ، صدقوني يا اخونا، وصدقيني يا طهقانة ، انا بأحبك ، ونفسي اشعر كمان انك بتحبيني،

تقدري تقولي لي اخر مرة قلتي لي فيها انك بتحبيني كانت امتى ، .اخر مرة دلعتيني كانت امتى، اخر مرة حسسيتيني اني سي السيد كانت امتى ،
طبعا مش ممكن تفتكري، لانك..بتعت بري كل هذه الامور من الشكليات او الترف الفكري
دايما تقولي لي انا بنت ناس، انا مش ممكن انزل للمستوى ده ، الحب بالمعاشرة والمعاملة ،
لكن نسيتي يا هانم ان الزوج محتاج للحاجات دي

اخر مرة حطيتي عطر كان امتى .؟؟؟

اخر مرة اشتريتي بدلة رقص .....كانت امتى ايوة...؟ ليه لأ..؟
هل جزائي انك محترمة !!!!؟
وانك مالكيش في الحاجات دي....
طيب ..لا تلوميني... إذا دورت برضه على الحاجات دي

يا طهقانة ..
الكلمة الحلوة بتعمل العجب
انت دايما بتشوفي انها نقيصة ،
ما بيعجبكيش سواقتي.... .!!دايما تقولي لي اني متهور، وبأسوق بسرعة، مع ان..
وهأعترف لك ..
الستات اللي عرفتهم قبلك...كان وا دايما بيشكروا في جرائتي في السواقة!!

والامثلة كثيرة ، كل شيء كويس فيا انت بتشوفيه بعين الناقد لا بعين المحب، ..
قالوا لي
طلقها
لكن ..هما مش عارفين اني باحبك...وم ستحملك علشان انت طيبة وبنت حلال...
لكن سامحيني ..القلب ساعات بيدور على الرومانسية والاحساس، وانت
البعيدة ..معدومة

معاينة صفحة البيانات الشخصي للعضو

17حصرى رد: يوميات طهقان وطهقانه في السبت يوليو 12, 2008 10:07 am

ههههههههههههههههههههههه...
شكراااااا كتييييييييييييييييييييير يا احلى مونيلا ...
تسلم ايديكي ...

معاينة صفحة البيانات الشخصي للعضو http://www.google.com

18حصرى رد: يوميات طهقان وطهقانه في السبت يوليو 12, 2008 11:33 am

Admin

avatar
Admin
تسلمي يا مونيلا والله حلوه وتضحك ميرسي كتير هنستنى منك يوميات تانيه اوك؟؟ متنسيش ومشكوره مره تانيه وتالته لو عايزه






ادمونه I love you العسوله

معاينة صفحة البيانات الشخصي للعضو http://dnys.hooxs.com

19حصرى رد: يوميات طهقان وطهقانه في السبت يوليو 12, 2008 10:46 pm

انا اسف يا مونيلا علشان مش بساهم معاكو كتير فى المنتدى انا بساهم على اد مقدر بس بجد انا عندى ظروف منعانى من المساهمه الدائمه بس هعوضهالكو قريب انشاء الله



the
free
man

معاينة صفحة البيانات الشخصي للعضو http://www.dvd4arab.com

20حصرى رد: يوميات طهقان وطهقانه في الأحد يوليو 13, 2008 2:01 am

شكراااا فرى مان على مرورك وعلى تواجدك معانا الى له نكهه خاصه فى المنتدى حتى لما بتغيب بترجع باحلى المواضيع والافلام وبتعوضنا غيابك فى ثوانى وانشالله الامور كلها تبقى تمام احنا كلنا هنا عارفين ان كان فى فتره اختبارات وطبعا الكل لازم يقف انتباه خصوصا للثانويه العاميه وبنتمنالك كلنا التفووووووووووووووق انشالله واحنا عاذرينك ومقدرين والله وبين الاخوات لا يمكن يكون فى اعتذار يا جميل
تسلللللللللم مره تانيه وتالته ورابعه و...........

معاينة صفحة البيانات الشخصي للعضو

21حصرى نكمل مع طهقان وطقانه في الإثنين يوليو 14, 2008 4:42 am

يا ترى طهقانه انهارده هتقولايه
<hr style="COLOR: white" align=center width="100%" noShade SIZE=1>
وهتكون مظلومهبرضهمش عاوزة احرق حلقهانهاردهنلتقى بعد الفاصل قصدىبعد الحلقه


طبيعي جدا تشوف عيلصغير مريل، أو ولد مراهق ضارب جل في شعره و واقف على باب مدرسة البنات مسبل،أو شابروش مسقط البنطلون من وسطه و عامل كول و شوية و البنطلون ينزل في ركبه و يبانالعار


كل ده طبيعياللي مشطبيعي... انك تلاقي راجل كهل عدا الاربعين و لسة بيراهق ، و قال علماء النفسبيسموهاالمرهقة المتأخرةو أنا بسميها
الهطل المتأخر


نرجع لمرجوعناو احكيلكم عنالشاب المغوار صاحب الكام و اربعين عام اللي اسمه

الراجل يا اختي عرف طريق الكوافيرهر جي و كل يوم والتاني ماسك شكل اشي بيشد الوش و اشي بيقشره و اشي بيحفلطه لا و الاكادة انه ربىسوالفه و عامل فيها جيمس دونطيب ربي ولادكالأولو لما سألته ايةحكاية النيو لوك دي يا بيبيقالي:و فيها اية اكبر مني وبيدلعوا نفسهملاااه اكيد الراجل ده شايفله شوفة و ناوي يعطكده و لا كده طيب استنى انا حلبدلك في الدرة و ارئدلكالمهممطولش عليكم قولي طولياكون قاعدة في الصالة و ادخل عليةاوضة النوم الاقيه مشغل الديش على قنوات الاغاني و الفديون كليب و اول ما يحس بايديعلى اوكرة الباب يقوم مغير القناةبلعتها مرة و التانية والتالتة مقدرتش رحت بمنتهى البساطة ماسكة الروموت و دايسة على زراربروجرم باك اللي بيجيب اخر قناة كنت بتشوفها قبل دي زيالريديل في التليفون كدهطلعت قناة من اياهم اللي بتجيبخالتك شاكيرا و الست ماردونا اقصد مادوناينيلك يا منيل انتبتبصبص للنسوان عبر الاثيرليه هو انا حرماك من حاجة؟ دهحتى اسانس شادية بشترية بالشئ الفلاني و احط منه و لا بيطمر فيك


المهم قلت يا بت خليه ينباسط ماهو الراجل لازم ينبسطيا زينب سيبيه يروح عن نفسه و اهو كله في الاخر ليكيو جيتفي مرة شغلتله القناة بنفسي و قعدت اتفرج معاه قام يا اختي ماسك جرنال و قعديقراالله؟!!!اش معنا دلوقتي؟ و لا هو في الخباثة حلو و فيالهساسة لأأنا طهقت من عمايلك يا طهقان مش ناوي تعقلبقى
طهقااااااا اا
ااانة

معاينة صفحة البيانات الشخصي للعضو

22حصرى رد: يوميات طهقان وطهقانه في الإثنين يوليو 14, 2008 9:20 am

هههههههههههههههههههههههههههه...
شكرا كتير يا مونيلا ..
هههههههههههههه....
تسلم ايديكي ..
^_^

معاينة صفحة البيانات الشخصي للعضو http://www.google.com

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى